Azken urteotan ohitura bilakatu da kantu afaria Arrasaten, eta, atzo, bosgarren edizioan ere, giro ederrean izan ziren bertaratuak. Udaletxeko arkupean oholtza jarri zuten, eta arkupeetako mahai eta aulkiak jendez beteta izan ziren.
Sei Pistols Eta Trabuko Bat taldeko Kepa Urteagaren esanetan: "Afaltzera ez zen jende gehiegi gerturatu, baina kantura aldiz, bai. Batzuk bokatekin etorri ziren, beste batzuk pizzekin… eta oso ondo pasatu genuen".
Kantuan jarraitzeko gogoz
Norberak eroan behar izan zuen jatekoa, edatekoa eta kanturako gogoa, eta azken hau, soberan izan zen. Izan ere, errepertorio ederra eskaini ostean, jendeak abesten jarraitu nahi izan zuen.
