Arrasateko umeen danborradak baditu banderadunak

Jokin Bereziartua Lizarazu 2016ko eka. 6a, 14:49

Ezkerretik eskuinera: Yerling Segura, Ainhoa Usatorre, Tara Banamou eta Brian Mena.

Ekainaren 18an egingo da Arrasaten umeen danborrada, 19:00etan. Urtero moduan, SUDC elkarteak eman du aurtengo banderadunen berri. Honako hauek izango dira: Brian Mena (Generala), Tara Banamou (Ikurrina), Ainhoa Usatorre (SUDCen bandera) eta Yerling Segura (Arrasateko bandera).

Ibilbidea aldatu egingo dute aurten, helduen berbera egiteko. Biteri plazatik irtenda, Zerkaosteta, Kontzezino, Garibai, Maala eta Erdiko Kale zeharkatuko dituzte Herriko Plazan amaitzeko. Bestalde, kantinarien entsegua ekainaren 11n eta 18an egingo dute Erlojuaren Eraikineko Txikitxu-Arrostaitz dantza taldearen lokalean, 11:00etan.

Karroza aurten ere

Amaitzeko, SUDC elkarteak urtero egiten duen karrozan joan beharreko umeak 18:30ean elkartuko dira Nafarroa etorbideko autobus geltokian, Gamei lantokiaren parean.

Arrasate