Zabaldu berri dago Rockomikiak, Biñetak@Doinuak erakusketa Kulturateko klaustroetan eta ateak zabaldu dituzten momentutik gerturatu dira ikusleak. Apirilaren 30a arte zabalik egongo da erakusketa; bertan diskoen azalak, komikiak, fanzineak… underground kulturarekin zer ikusia duten hainbat pieza daude.
Gasteiz eta Donostian geldialdia egon ostean heldu da Arrasatera erakusketa, baina oraingoa bereziagoa da; izan ere, hainbat arrasatearrek euren obrekin aberastu dute eta horrek erakarri du atentzio handiena.
Rockomikiak, Biñetak@Doinuak apirilean zehar egongo da ikusgai, baina erakusketa bakarrik ez, hainbat ekintza ere antolatu dituzte datozen asteetarako; Bertso punk margotuak eta Julen Ribas arrasatearraren erakustaldia besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
