Gaur, 20:00ak arte egongo da aukera nahi duenak materiala Eroskira eramateko. Bestalde, apirilaren 9an ere, leku berean egingo da material bilketa, eta apirilaren 5ean, eta 12an berriz, Harremanen (Ferrerias 40 behea) jarraituko du bilketak.
Datuak, apirilaren 12an
Material bilketaren zehatzik ez duten arren, Siriari laguntzeko kanpainaren balorazio positiboa egin du Andoni Uribeetxeberria harremaneko kideak: "Gaur batutakoarekin pozik gaude, batez ere, goizean izan da mugimendua. Bestalde, Arrasateko hainbat dendetan ere badago aukera materiala uzteko. Dena batzen dugunean aterako dugu batutakoaren datu zehatzak".
Diruz laguntzeko aukera
Bestalde, material bilketaz gain lau kontu korronte ireki dituzte materiala bidali ahal izateko, eta kanpaina bukatu ostean ere zabalik egongo dira kontu korronteak. "Materiala klasifikatu, eta paketatu… ostean, Madrilera eroango dugu, hara eramateko ez dugu gasturik, baina Madriletik eramateko gastua dago".