Arrasateko hainbat eragilek deituta, "mozal ordenantzaren" aurkako protesta ekitaldia egin dute gaur, hilak 18, Herriko Plazan. Askotariko aldarrikapenak euskarri ezberdinetan erakutsita, salatu nahi izan dute Udal Gobernua martxoaren 22ko (18:00) osoko bilkuran onartzekoa den arautegia. Osoko bilkurara agertzeko deia ere egin diete norbanako zein eragileei.
Ordu erdiko agerraldiaren ostean eztabaida irekia eskatu dute: "Kontzentrazio hau deitu dugun eragile, norbanako eta alderdiok adierazten dugu mozal ordenantzaren aurrean, moratoria eta eztabaida irekia ezinbestekoak direla inposizioaren aurrean. Adierazpen askatasuna ezin da ebatsi garbitasunaren izenean, are gehiago gu garbitasunaren alde gaudenean".
Martxoaren 22ko osoko bilkurarako deia
Adierazi dutenez, Udal Gobernuak ez du eztabaida ireki nahi izan: "Opor bezperatan onartu nahi dute ordenantza eta hori ekiditeko herritarrei dei egiten diegu martxoaren 22ko osoko bilkuran agertu eta euren kabuz gaia aztertu eta ondorioak ateratzeko".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
