Aske da kazetari arrasatearra. Goizaldeko 02:26ean idatzi du Twitterren bidez, Back in #Greece. Hau da: Mazedonian errefuxiatuen krisiaren berri ematen ari zela bart atxilotu ostean, aske utzi eta Grezian dela atzera ere. Goienari berretsi dio Irazabalek berak: "Mazedoniako Gelveglia hiriko komisarian geunden eta aske utzi gintuztenean gure kabuz itzuli ginen Greziara". 15:00etatik gauerdira bitartean egon dira atxilotuta. Muga baimenik gabe igarotzea leporatu diote.
Siriako gerratik iheslariekin batera 30 pertsonako kazetari eta boluntario talde bat atxilotu zuen atzo Mazedoniako poliziak, tartean Ane Irazabal arrasatearra. Irazabalen tuit batek zioen moduan, hainbat errefuxiaturekin batera ibaia zeharkatu zuten Mazedonia eta Grezia arteko mugan. Hemen:
EITBren arabera –etxe horretarako egiten du lan Irazabalek, besteak beste–, 250 euroko isuna ordainduta libre geratzekoa zen. Gauerdia pasata zenean utzi zituzten libre.
Goienako kolaboratzailea ere bada kazetari mondragoetarra. Puntua aldizkarian idazten du, aldika. Hemen, joan zen asteko zenbakian, Egiptoko egoerari buruz idatzitakoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
