Arrasateko Udal Gobernuak "asmo txarreko" kartel eta pintaketa "iraingarriak" gaitzetsi ditu

Joan den egubakoitz arratsaldean Maria Ubarretxena alkatearen eta Oscar Garcia PSE-EEko zinegotziaren aurpegiekin egindako  "asmo txarreko" kartelak agertu ziren alde zaharreko zenbait hormetan eta gauean, berriz, "PNV-PSOE faxistak" zioten pintaketa bat agertu zen: "Elkarbizitzaren, elkarren arteko errespetuaren eta iritzi aniztasunaren aurkako erasoa da", adierazi dute prentsa ohar bidez. 

Jarraian, Udal Gobernuak gertakarien aurrean adierazi nahi izan duena: 

"Asteburu honetan Arrasateko kaleetan agerturiko laido eta kalteek ez duela lekurik gaur egungo gizartean eta behin eta berriz gaitzetsiko ditugula mota honetako hitz eta ekintza iraingarriak. Alkate eta udal ordezkarien aurkako erasoa ez ezik, Arrasateko herritar ororen aurkako erasoa ere bada, elkarbizitzaren, elkarren arteko errespetuaren eta iritzi aniztasunaren aurkako erasoa delako.

Arrasate herri demokratiko eta askea izan dadin nahi du gobernu honek, errespetua izanik ukaezinezko oinarri, guztion artean gure etorkizuna elkarbizitzan oinarriturik eraiki dezagun". 

Erlazionatuak

EAJ: "Halako jarrerek ez dute lekurik herri demokratiko baten"

Arrasate

Arrasateko EAJk ohar bidez salatu ditu egubakoitzeko gertakariak: "Herritargoak eskatzen duen elkarbizitza eta bakearen bidean oztopoak jartzea era...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.