Garbiketa ordenantza eragileekin batera lantzeko lehen bilera egin dute

Gaur, eguaztena, Arrasateko Herriko Plazan elkartu dira Udal Gobernua onartzekoa den garbiketa ordenantzari nola aurre egin erabakitzeko. Jakinarazi dute martxoaren 1eko osoko bilkura atzeratu egin dela eta gobernuak alderdi guztiak batuko dituen foro baten landu nahi duela gaia: "Udaletik egin beharreko bideak agortu dira. Orain gaia interesa duten eragileekin lantzeko ordua da", adierazi du Baleikeko Igor Urizarrek, oposizioko talde guztien izenean. 

EH Bildu, Baleike eta Irabazi Udal taldeekin batera herriko eragile ezberdinek hartu zuten parte garbiketa ordenantzaren aurkako bilera irekian. Eragileek eskatzen dute eztabaidan parte hartzea eta ordenantza ez onartzea eztabaida hori eman arte. Horrez gain, arautegi berriaren gaineko informazio zehatza nahi dute, euren jardunean modu zuzenean eragiten duela uste dutelako. Hasiera baten, martxoaren 1eko osoko bilkuran onartu behar zen ordenantza baina Udal Gobernuak atzeratu egin du bilkura.  

Foro berri bat

Gaia Obra eta Zerbitzuetako batzordetik atera eta udal talde guztiak batuko dituen foro baten landu nahi du Udal Gobernuak. Foro horren lehen bilera gaur, eguena, arratsaldean egingo da. Orain arte ordenantzaren aurka agertu direnek prozesu parte-hartzaile bat eskatzen dute. 

Orain arte jarraitu den prozesuaren moduak desegokiak izan direla adierazteaz gain, adierazpen askatasuna mugatzen duela uste dute eta ez dute onartzen "modu prebentiboan" ezartzea "zentsura" Arrasateko kaleetan. Izan ere, atzoko bileran ere gogorra ekarri zutenez, arautegiak ez du zehazten nork erabakiko duen aldarrikapen batzuk onartzea eta beste batzuk zigortzea.  

Atzoko bileran adierazi zuten, aldi berean, Zumaian eta Soraluzen, esaterako, gai berbera dagoela mahai gainean. 

Atxikimendurako bideak

Era berean, herritarrei atxikimendua adierazteko bi bide ireki dituzte: mozalordenantzarikez@gmail.com helbide elektronikora mezua bidalita edo Jai Zale tabernako zerrendan izena emanda –otsailaren 29ra arte–.

Erlazionatuak

"Garbiketa ordenantza onartu aurretik, gaiari buruzko eztabaida parte-hartzailea eta irekia eskatzen dugu"

Arrasate

Horixe da EH Bildu, Baleike, Irabazi, ELA, LAB, CCOO, ESK, STEE-EILAS eta Ordainduko ordezkariek Arrasateko Udal Gobernua osatzen duten EAJ et...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.