Arrasateko Kirol Zerbitzuak jakinarazi du lanak amaitu direnez ekainaren 20an kanpoko igerilekuak zabaltzeko moduan egongo direla: "Analisiak egite, garbitzen eta prestaketa lanekin ibili gara. Igerilekuetan bainua har daiteke baina produktuak bere egoera egokia hilabete barru hartuko du. Bitartean, zementua bera asentatzen joango da eta kolorea pulitzen".
(Igerileku ertaina eta txikia gertutik, lanen ostean)
Aldaketak sanjuanak direla-eta
Bestalde, San Juan jaiek aldaketak eragingo dituzte kiroldegiko ordutegian. Ekainaren 23an 19:00etan itxiko da kiroldegia –igerilekua ordu erdi lehenago– eta ekainaren 24an egun osoan egongo da itxita. Gainerakoan, honako hau izango da ordutegia ekainaren 20tik irailaren 20ra: instalazioak 09:00etatik 21:00etara eta igerilekuak 10:00etatik 20:30era. Kanpoko igerilekuak zabalik dauden bitartean barrukoak itxita egongo dira.