Arbolapetako haritza babesteko, "lan handia" eskatu duen baranda dotorea

Arbolapetako haritza babestu eta inguratuko duen baranda jartzen ari dira Arrasateko Udaleko langileak. Hiru zatitan etorri da baranda, eta soldatzen ibili dira gaur goizean: "Lan handia hartu dute baranda egiteko, oso ondo soldatuta dago", adierazi dute, bertatik bertara, galdaragintzan diharduten bi lagunek. Dotorea denik ezin ukatu: "Gernikako Arbola dirudi", adierazi du herritar batek bertatik igarotzean.