Txakolina protagonista biharko baserritarren azokan

Baserritarren azokaren barruan, asteon aurkeztu duten Txakolin Eguna

Hileko hirugarren zapatuan egin ohi den baserritarren azokaren barruan, Txakolin Eguna ospatuko dute bihar. Arrasateko eta Oñatiko txakolina dastatzeko aukera egongo da, Mankomunitateko Turismo Sailak gonbidatuta. Udaleko Enplegu eta Garapen Saileko teknikari Marga Garmendiak aurreratu du hiru txakolin mota probatzeko aukera egongo dela: Bedoñako Otxia eta Oñatiko Upain eta Murgialdai. Gainerakoan, ohiko postuak egongo dira Seber Altube plazan, 09:00etatik 14:00etara. 

Txakolinaren dastatzea baserritarren azokaren alboan egingo da. Jesus Romeroren pintxoak dastatzeko aukera ere egongo da: "Askotan bidelagun izaten dugu Jesus Romero etorriko da eta oraingoan azokan bertan egongo diren produktu hotzekin egingo ditu pintxoak. Pintxoa euro baten salduko da eta baita txakolin tragoa ere, kristalezko basoan. Edalontzi hori euro erdian salduko da eta gero erosleek etxera eraman ahalko dute", azaldu du Garmendiak.

Hitzaldia eta dastatzea

Txakolin dastatzea 10:30ean hasiko da eta Gerardo Elortzak eta Jose Antonio Aspiazuk gidatutako hitzaldia ere egongo da. Ondoren, etnologo batek gidatutako txakolin dastatzea egingo dute. 

Erlazionatuak

Debagoieneko III. Txakolin Eguna egingo dute zapatuan Arrasaten

Arrasate Oñati

Seber Altube plazan egin ohi den Arrasateko baserritarren azokaren  barruan egingo dute Txakolinaren Eguna, eta hiru ekoizle debagoiendarrek e...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.