Debagoieneko Mankomunitateko Turismo Sailak, Deba Garaia Landa Garapenerako Elkarteak eta Arrasateko Udalak antolatua egingo dute zapatuan Arrasaten Debagoieneko III. Txakolin Eguna.
10:30ean, Upaingoa, Murgialdai eta Otxia txakolinen ekoizleek postuak jarriko dituzte baserritarren azokan. Txakolina dastatzeko aukera egongo da, baita Jesus Romerok egindako pintxoak jatekoa ere, eta Harreman dendaren laguntza izango dute. Aterako den dirua ere Harremanentzat izango da.
12: 00etan, Jerardo Elortzak eta Jose Antonio Azpiazuk Debagoieneko txakolinaren historiari buruzko hitzaldia eskainiko dute, eta horren ostean, Guillermo Castaños enologoak gidatuta, Debagoienean egindako txakolinaren dastatzea egingo dute. Hala gura duenak, gainera, ibarreko ekoizleen txakolin botilak erosi ahalko ditu. Sei euro kostako da botila bakoitza.