Seber Altubetik abiatu eta ohiko ibilbidea eginez, -Maala Errabala, Otalora Lizentziatua, Erdiko kale eta Iturriotz kalea- herriko plazan egin dute amaierako ekitaldia.
Maider Morras, Berdintasun saileko zinegotziak irakurri du, Iraitz Agirre arrasatearrak burujabetasun feministaren aldarrikapenari buruz idatzitako testua. Oinarrian idatziak zioen, aldaketa asko bizi dugun garai honetan, erak aldatzea dela geratzen den alternatiba: "Emakumeon eskuetan ere badagoelako ereduak norabide batetan edo bestean jartzea. Orain inoiz baino gehiago, sortzeko, antolatzeko, eraikitzeko eta eragiteko dugun gaitasunean sinistu behar dugula, eta erak aldatzeko, burujabatzea dela gakoa".
Berdintasun saileko zinegotziaren lekukoa hartuta igo dira ondoren taularen gainera, askotariko adin eta perfileko hamabost emakume. Emakumeen eskubideen aldeko esaldi bana irakurri dute horiek.
Amaitzeko, 70. hamarkadan Frantziako mugimendu feministaren olerki bat irakurri dute eta Zutik emakumeak kantuaren moldaketarekin borobildu dute ekitaldia.
