Hildako bat Arrasaten autoarekin errekara jausi ostean

Eneko Azkarate 2014ko abe. 27a, 12:22

Udaltzainak eta herritarrak, istripua gertatu eta berehala, autotik irteten laguntzen.

Hil egin da gaur goizean Arrasaten errekara jausi den autoan zihoan bi lagunetako bat, gidaria. 79 urteko gizonezkoa. Harekin batera zihoan 84 urteko gizonezkoa Arrasateko ospitalera eroan dute, zauri arinekin. Herrizaingo sailak eman du informazioa. 11:25ean gertatu da istripua Arrasateko Etxaluze zaharren egoitzaren parean, biribilaren ondoan.

Autoak espaloia gurutzatu du, hesia aurretik eroan du eta errekara erori da. Osasun zerbitzukoak berehala gerturatu dira eta gizonezkoa erreanimatzen saiatu dira, baina medikuak segituan baieztatu du haren heriotza. Lekukoek adierazi dutenez, autoa buruz behera geratu da uretan eta hainbat herritarrek buelta eman diote autoari, errekara jaitsita. Herrizaingo sailaren arabera, hildakoa arrastearra da; bestea, Portugaletekoa.

Arrasate