Txatxilipurdi elkarteak 'Familiak elkar ezagutzen' ekimena burutuko du zapatuan

Larraitz Zeberio Lekuona 2014ko aza. 27a, 12:04
Txatxilipurdiko hezitzailea umea margotzen. (Iturria: Txatxilipurdi)

Jatorri ezberdinetako pertsonak ahalduntzeko eta espazio komunak sortzeko helburuarekin jolasek hartuko dute garrantzia, 11:00etatik aurrera, Okendoko ludotekan.

Ekimena familiei zuzenduta dago. Jatorri ezberdinak dituzten familiei, bertakoak barne. Txatxilipurdi Elkartea da ekimenaren bultzatzailea, eta Gipuzkoako Foru Aldundia laguntzailea izan da. Asmoa, jatorri ezberdinetako familiak, jolasaren bitartez eta euskaraz, elkar ezagutzea da.

"Azkenaldian ematen den migrazio kopurua ikusita eta ondorioz, dagoen kultur eta hizkuntza aniztasuna kontutan hartuta, beharrezkoa ikusten dugu gaiaren inguruko lanketa egitea. Eta gainera kontutan hartuta aniztasuna izan dela eta dela gure herriaren ezaugarri eta kohesiorako elementua, beharrezkoa ikusten dugu aniztasuna bere osotasunean lantzea", esan du Txatxilipurdi elkarteko Aizpea Otxandianok.

Zapatuan jolasek hartuko dute garrantzia. Txatxilipurdiko hezitzaileak bertan izango dira eta elkar ezagutzeko jolas ezberdinak izango dira. Aukera izanez gero jatorri ezberdinetako jolasak ezagutzeko aukera ere egongo da. "Jatorri ezberdinetako pertsonak ahalduntzeko, espazio komunak sortzeko eta jendartean dauden aurreiritziekin amaitzeko beharra ikusten genuen. Ondorioz, mota honetako ekimenak aproposak direla uste dugu".

Ekimenak jarraipena izango du. Urtea amaitu aurretik, larunbatekoaz gain, beste bi saio egitea aurreikusten dute Txatxilipurdin. Eta erantzun ona izanez gero 2015. urtean ekimenarekin jarraituko dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak