Irailaren 6an agertu zen Estatuko Boletin Ofizialean tunelaren Arrasate aldeko desjabetzeei alegazioak aurkezteko epea zabalik zela. AHT Gelditu Elkarlanekoek salatu egin dute epea urtearen sasoi honetan zabaldu izana, baita tramitazioa presazkoa izatea ere. Haien esanetan, oporren eraginaz aprobetxatu nahi izan dute, herritarrei, Udalari eta lurjabeei alegazio tramitazioak zailtzeko.
Horregatik, AHT Gelditu Elkarlanekoek ia 400 sinadura bildu dituzte bi astetan, desjabetzen alegazio gisa aurkeztu eta proiektua gelditzeko helburuz. Euren aldarrikapenetan, salatu nahi izan dute Frantzian 2030 arte proiektua martxan jarriko ez dutenez, "ez duela zentzurik hemen presaka ibiltzeak", batez ere "bailarako egoera ekonomikoa" kontuan hartuta, hala azaldu du Mila Elorza Debagoieneko AHT Gelditu Elkarlaneko kideak. Haren esanetan, gainera, "dirua gure eskualdea berriz martxan jartzeko erabili ordez, irteerarik gabeko zuloetan . Azkenik, azpimarratu nahi izan dute AHT Gipuzkoan bukatzeak "zentzurik ez duela", inguruetako lurraldeek proiektua garatzen ez badute, eta gainera, horrek ekarriko lukeela "geldi dagoen zerbitzu baten mantentze kostuak ordaintzea".