Ikasturte hasieran Ibai-Arte merkataritza elkartearengana jo zuten eta lau dendek erabaki zuten parte hartzea: Sustrai fruta denda, Resusta Karrikiri, Arrasate Zoo eta Bioteka –itxi egin du–. Hasteko, denda bakoitzaren beharrak identifikatu zituzten eta gero hondakinen sorrera nola prebenitu adostu zuten arduradunekin batera.
Denda bakoitzaren errealitatea ezberdina da hondakinen sorrerari dagokionez, eta horregatik kasuaren araberako metodologia garatu dute: "Sustrai dendan, esaterako, fruta zein barazkiendako poltsa edo arrautzendako ontzia etxetik dakarrenari txartel bat banatu eta laukitxoak zigilatuko zaizkio". Hala, txarteleko laukitxo guztiak zigilatuta dituenak zozketa ezberdinetan hartuko du parte.
Herritarrek "ondo eta ilusioz" erantzun dute
Hondakinik ez sortu eta eroslea sentsibilizatzeaz gain, hondakinei irteera edo beste erabilera bat eman gura diete. Kanpaina uztailaren 3an jarri zen martxan eta jendeak "ondo eta ilusioz" hartu du. Kanpaina martxan jarrita, denda bakoitzak erabakiko du noiz arte jarraitu.
