November nine delako handikien taldean sartzea lortu du Andoni Larrabe Pollopopeye, 22 urteko arrasatearrak. Azaroan itzuliko da Las Vegasera eta jarraipena egiten dion Poker Red webgunearen arabera, mahaiko jarlekuaren zozketan zortea izan du, finalera begira. On-line pokerraren goraldiaren gorenean iritsi da lehen lerrora Pollopopeye nick-arekin diharduen gaztea. Jarraitzaileak ere milaka ditu, horren froga Twitter-en final handira begira ateratako traola-berbak izandako jarraipena. Hain zuzen, Espainian trending topic izan da #LarrabeNov9.
%2015.11.22_content.jpg)
Milioiak eta milaka jokalari
Las Vegasen urtero jokatzen den torneoa da World Series of Poker eta saria urtero parte-hartzaileek jokatutakoen arabera pilatzen da. 2014ko torneoan 6.683 jokalarik hartu dute parte eta uztailaren 14an azken bederatzien artean lekua hartu du Larrabek. 2006 urteko 12 milioiez aparte, aurtengoa 70. hamarkadatik egon den saririk potoloena da. Torneo hau poker jokalari profesionalen artea gutiziatuena da mundu mailan. Azaroaren 7an izango da finala. Sari potoloa 10 milioi dolarrekoa bada ere, finalista guztiek jasoko dute diru-saria. Kopuru txikiena 730.025 dolarrekoa da, azken geratzen denarentzat. Irabazleak, milioikadaz gain, urre eta zilarrezko besokoa ere jasoko du, garaikur bezala.
Ibilbidea
Batxilergoan zegoela hasi zen pokerrean jokatzen Andoni Larrabe. Trebatzeari ekin eta teoria liburuak irakurrita, handik tarte batera benetako diruarekin jokatzen hasi zen. Unibertsitateko hautaproba gainditu eta gero, bide profesionalari heltzea erabaki zuen Larrabek. Orduan egin zen ezagun Pollopopeye gaitzizenarekin ziharduen benjamina online pokerraren sareetan. 2011an jokatu zuen lehen aldiz Donostiako Kursaal jauregian egin zen torneoan eta ordutik hazi besterik ez da egin Larrabe. Galizian ibili eta gero, Londresen bizi da gaur egun.
Ordutik dirutza pilatu du oso denbora laburrean. Iaz PCA Bahamas torneoan 218.710 dolar irabazi zituen, esate baterako, eta beste 100.000 euro mundu mailako torneo garrantzitsuenetako baten.
Twitter-eko txioak, Larrabe zorionduz
BD!!!! Estamos en FT!!. Cumpliendo el sueño de todos y haciendo más rico a mi compi @petgaming GRANDE #LarrabeNov9 pic.twitter.com/ZH9HhCUAte
— J0hn Mcclean (@manuelsaavedr1) July 15, 2014
Andoni Larrabe en la mesa final de las World Series Of Poker IMPRESIONANTE! ZORIONAK!! #LarrabeNov9 @ESPOKERNEWSCOM pic.twitter.com/b618GK9idC
— Rakel Goñi Lakar (@Rakelgola) July 15, 2014
