"Lasaitu ederra hartu dut. Egia esan, ondo sentitzen naiz. Gaurko eguna azkar hel zedin gura nuen. Mutil hau [Beñat Aginagalde, Isaias Carrascoren ustezko hiltzailea] aurrean eduki nahi nuen eta, azkenean, heldu da eguna. Nire bizitzaren aro bat amaitu da". Halaxe mintzatu da Sandra Carrasco, ETAk duela 6 urte hil zuen Isaias Carrasco arrasatearraren alaba, gaur arratsaldean Ser irratiko 'La Ventana' saioan, Carles Francinoren aurrean.
Carrascoren alabak esan du gaurko egunari ez ziola beldurrik, noiz helduko zain zegoela: "Ez nion beldurrik gaurko egunari, okerrena pasatu da. Nire bizitza asko aldatu da aita hil zutenetik. Une onak eta txarrak igaro ditut, baina aurrera egin dut".
Etorkizunari buruz galdetuta, Sandra Carrascok adierazi du beste toki batera joan nahi duela bizitzera. "Etorkizuna ez dut irudikatzen, ez dakit zela egongo naizen sei urte barru, baina nire ilusioa da beste toki batera bizitzera joatea".
