Arrasateko Udal Gobernua: "Josuri bere bizitzaren azken fasea duintasunez igarotzen uztea eskatzen dugu"

Aurreko astean Udaleko ordezkariek Josu Uribetxeberria bisitatu zuten.
Arrasateko Bildu eta Aralar udal taldeek adierazpena atera dute Josu Uribetxeberria euskal preso arrasatearraren egoera salatzeko: "Bere bizitzaren azken fasea duintasunez igarotzen uztea eskatzen dugu”, diote. Gaur prentsaurreko "masiboa" egingo dute Monterron parkean (19:30), ekainaren 13an egingo den manifestaziora deitzeko. Manifestazioa Herriko plazatik abiatuko da, 19:00etan.

Hona Arrasateko Udal Gobernuak kaleratu duen adierazpena, osorik:

“Josuri  bere bizitzaren azken fasea duintasunez igarotzen uztea eskatzen dugu
 
Josuk uneoro bete izan ditu garai hartan Zaintza Epaitegiak ezarritako neurri zorrotzak. Bestalde, Josuk uko egin zion tratamenduari osasun eragozpen handiak sortzen zizkiolako, eta sendagileek denbora oso mugatua duela esan zioten.
 
Berriki, epaitu gabeko auzi bategatik, epaitutako guztiengatik baino neurri gogorragoak jarri dizkiote, zer eta Josuren bizitzak oso denbora mugatua duela dakitenean. Epaileak ere horren jakitun dira, baina etxean preso egon behar duela erabaki dute, eta etxe aurrean polizia jarri.
 
Josurekin egiten ari direna ozen salatzen dugu. Bere bizitzaren azken fasea duintasunez igarotzen uztea eskatzen dugu.    Aplika diezaiotela legea eta utz dezatela libre, eta berarekin batera gaixorik diren preso guztiak. Beraien eskubidea da.
 
Euskal Herritar guztiak gonbidatu gura ditugu ekainaren 13an gurekin batera Josuren egoera eta presoen aurkako mendeku politika salatzera etor daitezen Arrasatera.  Gaixorik dauden preso guztiak etxean eta aske egon behar dutela berretsiko dugu. Giza eskubideen, konponbidearen eta bakearen alde.  
 
Ekainaren 13an Herriko plazan elkartuko gara, arratsaldeko 19:00etan.

Erlazionatuak

"Utz dezatela Josu libre eta harekin batera gaixorik dauden preso guztiak"

Arrasate

Josu Uribetxeberria presoaren askatasuna eskatzeko agerraldi jendetsua egin dute Monterron parkean. Salatu dutenez, Uribetxeberria etxean preso ego...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.