Bihar entzungo da berriro ere Arrasateko parrokian apurtu zen kanpaiaren hotsa

Horazio Argarate Arrasateko parrokoa konpondu berri den kanpaia erakusten.
Bihar entzungo dugu berriro martxoaren 11n apurtu zen Arrasateko parrokiako kanpaiaren hotsa. Horixe baieztatu du Horazio Argarate Arrasateko parrokoak gaur goizean, kanpandorretik bertatik. Kanpaiaren mihia apurtzearen arrazoia izan zen, adituek diotenez, "materialaren nekatzea". Campanas Quintana Palentziako (Espainia) langileek atzo konpondu zuten kanpaiaren mihia.

Arrasateko parroko Horazio Argaraterekin egon gara gaur San Juan Bataiatzailea elizako kanpandorrean eta bertan azaldu digu zergatik etorri zen behera "hiru kilo inguru" pisatzen duen kanpaiaren mihia: "Mihia egiterakoan altzairuaren barruan haize apur bat sartu ezkero denboraren poderioz apurtzeko arriskua dago. Puskatzeko modu hori materialaren 'nekatze moduan' da ezaguna adituen artean, eta hori da honi gertatu zitzaiona".

1998an jarri zuten

1998an jarri zuten mihi hori, kanpairik aktiboenean. Izan ere, Argaratek esan duenez, egunero hiru alditan jotzen zuen kanpai horrek apurtu aurretik. Kanpandorrean dauden hamar kanpaietatik –orduak markatzeko dauden biak kontuan hartu barik– aktiboena da, beraz. Atzo ezkero erabiltzeko moduan dago kanpaia: "Kanpaiak konpontzen adituak diren langileak atzo egon ziren hemen eta berria jarri ostean osziloskopioa pasa zioten, altzairuak haizerik ez duela konprobatzeko".

Apurtzeko modua "berezia" da, parrokoaren arabera: "Apurketak normalean modu irregularrean egiten dira, baina kasu honetan laban batek txorizoa mozten duenean gertatzen dena gertatu zen".

Erlazionatuak

Arrasateko parrokiako kanpai baten mihia goitik behera

Arrasate

Susto ederra hartu zuen atzo 18:45ak aldera Arrasateko San Juan Bataiatzailea parrokiatik pasatu zen bikote batek. Ordu horretan kanpaiak jotzen ar...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.