Kanpatorpea kalera erori zen "hiru kilo inguruko" pieza. Arrietak BAZen eta Udaltzaingoan eman zuen gertaeraren berri: "Ez zegoen hileta-elizkizunik, baina joan-etorrian jende askotxo zebilen. Eskerrak ez zuen inor harrapatu..."
Palentziatik etorriko dira teknikariak
Bestalde, Horazio Argarate parrokoaren arabera, atzo sustoa eragin zuten kanpaiak mezak eta bestelako ospakizunak iragartzen dituztenak dira. Hau da, orduaren berri ematen duten kanpaiek mailu batekin funtzionatzen dute: "Horiek ez dute arriskurik suposatzen", dio Argaratek. Teknikariak Palentziatik etortzen dira urtean birritan: "Ez daude enpresa asko kanpaien mantenuaz arduratzen direnak eta hemengoak Palentziako enpresa batek mantentzen ditu. Abisua pasa dugu; urgentziaz pasa beharko dira".
Argaratek gertaeraren arriskua nabarmendu du: "Susto ederra izan da, eskerrak ez duen inor harrapatu. Horrek buruak kolpea eman ezkero...".
