24 urte eta erdi egin ditu herritik Lorea Zeziagak herritik kanpo, 10 urte Oxel Azkaratek eta beste mordoxka bat Kepa Ruiz de Larrinagak. Horregatik lehen uneak urduri eta hunkituta bizi izan dituzte. Baita Herriko Plazan zain zituzten lagun eta herrikideek ere; guztiek besarkatu gura zituzten.
"Urduritasun handiarekin bizitzen ari naiz, ez dut asko pentsatzeko astirik izan. Buruan ditut ihesean utzitako lagun guztiak", zioen Zeziagak eta gaineratu: "Egoera ikusita borrokan jarraitzeko momentuak direla adierazi gura diet herritarrei. Eta herri aktibazioa eta herri presioa ezinbestekoak izango dira iheslari guztiak eta preso guztiak etxera ekarri gura baditugu".
Herria dugu arnas leloarekin euskal iheslari politikoen kolektiboak abian jarritako ekimenaren baitan itzuli dira eta argi utzi dute lanean jarraitu beharra dagoela "euskal preso poltiko guztiak eta euskal iheslari politiko guztiak bueltan izan arte". Horretarako kale aktibazioa areagotu beharra dagoela jakinarazi dute.
