Monterron parkearen behealdean, Kondekuan, daude ikusgai domekan ibaitik ateratakoak: eguen edo egubakoitzera arte egongo da bertan. Gero, burdina, egurra eta ahal den material guztia birziklatzera eramango dute Garbigunera, eta gainerakoa zabortegira bideratuko da. Arrasateko Udalaren arabera, hori da 12 pertsonen artean bi ordu eta erdian ateratakoa: "Atera kontuak", diote arduradunek.
Uraren eta Errekaren Astearen barruan 13 lagun elkartu ziren domekan Deba ibaia garbitzeko. Garbitutako eremua izan zen Eroskiko atzealdea, ibaiaren bi aldeak. Gehien bat plastikoa atera zuten, plastikozko poltsak, eta baita latak eta plastikozko beste ontzi batzuk ere. Tarteka burdin zatiak, arropak, bizikleta bat eta erosketako karro bat ere agertu ziren.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak