Stop Atez Ate plataformak Hondakinen Mahaia utzi du

Stop Atez Ate plataformaren arabera, Udal Gobernua "tranpa" egiten ari da Hondakinen Mahaiarekin. Horrenbestez, mahaitik altxatzea erabaki du: "Ezker abertzaleak joan den legealditik du erabakita Arrasatek atez atekoa izan behar zuela, bizilagunek eta gainerako udal taldeek uste dutena albo batera utzita. Hondakinen Mahaia fartsa bat da, non atez atekoaren gainean bakarrik eztabaidatu gura den, beste bilketa sistemak kontuan hartu gabe", adierazi dute prentsa ohar bidez.

Stop Atez Ate plataformaren ustez, Hondakinen Mahaiak Arrasaterendako bilketa sistemarik egokiena zein den eztabaidatzeko balio beharko luke baina "atez atekoaren doktrina" ezarri dela diote, "sistemarik zikinena, deserosoena eta garestiena denean".

"Ekonomikoki jasanezina"

Atez ateko sistema "ekonomikoki jasanezina" izango dela adierazi du plataformak: "Udalaren diru-kutxa agortuko du. Diru publikoaren xahutzea izango da atez atekoa, ez daukagun diru publikoaren xahutzea". Bosgarren edukiontziaren aldeko apustua egiten du Stop Atez Ate plataformak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.