Laubideko kasuan 22 familiak hartuko dute parte eta ospitalekoan 36k. Bi gune hauetan 300 litroko tokia duten banakako konpostagailu txikiak jarriko dituzte. Uribekoan aldiz 700 litrokoak izango dira eta 4-5 familiak erabiliko dituzte.
Garbigune ibiltaria
Debagoieneko hainbat herritatik pasa ostean, eguenean Arrasateren txanda izango da. Ekainaren 6an etxean sortzen ditugun eta trataera berezi bat behar duten aerosolak, bonbillak, kartutxoak, bateriak, pintura… biltzeko garbigune ibiltaria Arrasaten egongo da.
Garbigune mugikorra Garibai etorbidean egongo da eta nahi duen guztiak, goizeko 10:00etatik gaueko 21:00etara, bertara produktuak eroateko aukera egongo da.
Ekimen honekin Garagartza auzoaren sarreran dagoen garbigune finkoa herrira hurbilduko dute.