Egungo eta etorkizuneko bizimodua ulertzeko hainbat klabe eman zituen atzo Iñigo Iñurrategik

Arrasate Zero Zabor taldeak antolatuta, hitzaldi interesgarria izan zen atzo Kulturateko areto nagusian. Iñigo Iñurrategi HUHEZIko ikerlariak egungo eta etorkizuneko bizimodua ulertzeko oinarrizko klabe batzuk eman zituen. Krisi ezberdinak aipatu zituen –ekonomikoa, energetikoa, klimatikoa...– eta bertaratutakoei galderak egiten aritu zen etengabe, saioa elkarreragilea bihurtuz. Datu interesgarriak eman zituen; honakoa, besteak beste: Hego Euskal Herriko biztanleriaren %1,30ak aberastasunaren –ekonomia finantzarioaren ikuspuntutik– %44,4ak kontrolatzen du. Azken hitzaldia hilaren 28an egingo da: 'Hondakinak... Geuk sortu, geuk kudeatu'; Kulturaten, 19:00etan.