Udala hasi da auzo-konposta egiteko beharrezkoak diren konpostagailuak jartzeko obrak egiten. Aurrez bilera informatiboak egin ziren auzoetan eta, Udalaren arabera, 140 bat familia gertu agertu dira modu horretan konposta egiteko. Obrak hasita daude Nafarroa etorbidean –ospitale ondoan– eta Laubide plazan; laster hasiko dira Uribe auzoan. Laubide plazan zortzi konpostagailua jartzea den hasierako asmoa –310 litrokoa bakoitza–; Nafarroa etorbidean 16 konpostagailu –310 litrokoak– eta Uriben, azkenik, zortzi –700 litrokoak–. Obra horiek Excavaciones Arrasate enpresari esleitu dizkio Udalak.
Helburua da herritarrei aukera ematea ortua edo lorategia ez dutenei euren etxeetan sortzen duten materia organikoarekin konposta egiteko.
Auzo-konposta egin gura duenak oraindik badu aukera, baina beharrezkoa da Udalak proposatzen duen ikastaro bat egitea. Konposta egiteko bete beharreko baldintzak azaltzen dira ikastaro horietan, besteak beste.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.