Oscar Garcia Stop atez ate plataformako bozeramaileak Legazpiko kontsultako emaitzak eta atez atekoaren aurka egin diren bestelako ekintzak aipatzen ditu: "Bildu, erakusten ari den herritarrenganako errespetu faltarekin eta inposizioa gobernatzeko metodo moduan hartuta, elkarbizitza oztopatzen ari da Gipuzkoa osoan. Egoera honekin amaitu beharra dago".
Arrasateko Stop atez atekoa plataformak begi onez ikusten du txip bidezko bosgarren edukiontzia jartzea: "Beti esan izan dugu gure apustua bosgarren edukiontziaren aldekoa dela, frogatuta dagoelako sistemarik garbiena, jasangarriena eta merkeena dela. Hala ere, txip bidezko bosgarren edukiontzia jartzearena ondo ikusten dugu, batez ere bi aldeetako eragileok beharrezkoa dugun akordio puntu horretara iristeko", adierazi dute prentsa ohar bidez. Hala, Udalari eskatu diote atez atekoa ezartzea birplantea dezala: "Bilduk ez badu bere asmoa aldatzen herritarren gaitzespena izango da atez atekoari alternatiba bat bilatzera behartuko duena".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak