Babarrun beltz batzuk, ilar batzuk, goizeko tipulak eta berakatzak baditu landatuta, baina besterik ez, orain hilabete inguru azken generoa agortu zenetik. Hau, dena den, ohikoa omen da gauden garaian. Ohikoa ez dena ei da maiatza erdi aldean landaketa eta ereite gehienak egin ahal izateko lurra prestatu ezinda egotea. Arrazoia, azken hilabeteetan egindako euriaren ondorioz lurrak duen hezetasuna.
Ortuarena, dena den, oraindik bideratu daitekeela dio Iturbek. Izan daiteke beste edozein urte baino hobea ateratzea eta uzta ez atzeratzea ere, baina hainbeste euri egiteari utzi eta lurra lehortu behar litzateke horretarako.