IK4-Ikerlaneko Raul Torrego eta Iñaki Val ikertzaileek idatzi dute artikulua, MUko Eñaut Muxikarekin batera. Best Paper saria irabazi dute Washingtonen egin den Wireless Innovation Forum Conference jardunaldian. Hari bako komunikazioan munduko jardunaldi eta lehiaketa inportanteenetariko bat da hori.
Interferentziak berez saihesteko programatutako gailu baten gaineko artikulua da saritutakoa. Aplikazio hori IK4-Ikerlaneko eta MUko ikertzaileek egin dute, eta bideo bat hariz transmititu beharrean, bi dispositibo adimentsuren bidez transmititzen da. Dispositibo adimentsu horiek orain arteko hari bako sistemek bermatzen ez zuten fidagarritasuna ematen dute. Adibidez, hari bako telebista zirkuitu itxi fidagarriagoak egiteko balio dezake aplikazio horrek.
Izan ere, arduradunen esanetan, hari bako sistemek "aurre egin ezineko erronkak" dauzkate gaur egun enpresa industrialek erabiltzen dituzten telebista-zirkuitu itxiek, eta irudiak galduko ez dituztela ziurtatu behar dute.