Arrasateko Zuhaitz Eguna bi egunekoa izango da aurten

Eneko Azkarate Laspiur 2013ko ots. 19a, 14:58

Orain arte Arrasaten Zuhaitz Eguna egun bakar batez ospatu izan da Arrasaten; aste barruan, Lehen Hezkuntzako 6. mailako ikasleekin, 11-12 urteko neska-mutikoekin. Baina aste barruan eta egun bakar baten eginda, ospakizuna "hankamotz geratzen dela iritzita, herritar guztiei parte hartzeko aukera zabaltzea" erabaki du Arrasateko Udalak. Eta, hala, aurten bigarren egun bat ere ezarriko dute, asteburuan.

Hortaz, 2013ko Zuhaitz Eguna martxoaren 1ean (egubakoitza) eta martxoaren 2an (zapatua) ospatuko da Arrasaten:

  • Martxoak 1, egubakoitza: Goizez, LHko 6. mailako ikasleekin. Landaketa, Arrasaten, Markulete inguruan, egingo dute eta, horretarako, goizeko 10:30ean Uribe auzoan elkartuko dira.
  • Martxoak 2, zapatua: Goizez, arrasatear guztiekin. Landaketa, Antoniñaerrekan egingo dute eta goizeko 10:00etan Institutuko goiko eraikinean elkartuko gara.

Gaztainak eta intxaurrak

Udaleko lur sailetan apurka-apurka zuhaitzak landatzea eta "jendeari basoaren balio handiaz jabetu araztea" da Zuhaitz Egunaren helburua. Aurten, gaztainak eta intxaurrak landatuko dituzte (60 bat guztira), zapatuan herrigunetik hurbil dagoen lursail batean (Antoniñaerrekan).

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak