Garaia Berrikuntza guneak, Eusko Jaurlaritzako Ekintzailetasun zerbitzuak eta Euskadi Emprendek antolatu dute jardunaldia. Garaian 30 bat lagun elkartu dira ekintzailetasunari buruzko lehenengo jardunaldi honetan.
Ekintzaile izateko beharrezkoak diren gakoak azaldu dituzte hizlariok: finantziazioa, talentua eta gestio ereduak, besteak beste.
Merkatuan, lehenbailehen
Ideia izan zutenetik enpresa martxan jarri duten bitartean bizi izan duten alderdi positiboak eta ez hain positiboak azaldu dituzte lehenengo. Horren harira, azaldu dute merkatuarekin harremanetan lehenbailehen jartzea ezinbestekoa dela. Izan ere, “merkatuak jarriko zaitu zure lekuan”, azaldu du Fernando Canales sukaldari ezagunak.
Finantziazioa lortzerakoan, merkatua oso ondo ezagutzea beharrezkoa dela esan du Joel Santisok: “Etxerako lanak ondo egin behar dituzu”. Andoni Gartziak gaineratu du edozein zulo aurkituko dutela finantziazioa ez emateko.
Langile onak motibatu beharra
Talentuaren gainean ere hitz egin dute. “Talentua duenari enpresan parte-hartzea eskaini behar diozu. Horrela motibatu behar dituzu langile onak”, azaldu du Canalesek. Gaur egungo egoera ona izan ez arren, Marurik esaldi bat gogoratu du: “Izarrek ilunetan bakarrik egiten dute distira”.
Azkenik etorkizunean ekintzaile izango direnak animatu nahi izan duten euren ideia edo ametsa aurrera eramateko. Porrotarik beldurrik ez zaiola izan behar nabarmendu nahi izan dute.
Ekintzailetasunaren gaineko hurrengo jardunaldia urriaren 16an izango da, eta hirugarren eta azkena, 23an.
