Izena ematen duten herritarren artean zozketa egingo du Udalak, "sei zonaldetan banatu da herria eta auzo bakoitzeko bi ordezkari aukeratuko dira adina, generoa eta beste kondizio batzuk kontuan edukita".
Lau saio
Maiatzaren 3aren ostean, kontseilua osatu eta lau pauso ematea proposatu dute:
-
Saioan, maiatzaren 8an prozesuaren aurkezpena egingo dute.
-
Saioan, maiatzaren 15ean, aztertuko dute zaborraren hierarkia Europako legerian eta bere garrantzia: “murrizketa, berrerabilpena, birziklapena, balorazio energetikoa eta eliminazioa”. “Pausu bakoitzarentzat lortu nahi diren emaitzen inguruan adostasun bat lortzea izango da xedea. Prozesu guztiaren gakoa hementxe dagoela iruditzen zaigu. Hemen behar adina sakondu beharko genuke, behar adina denbora emanez saio eta zati honi”.
-
Saioan, maiatzaren 22an, eragileen proposamenak aurkeztuko dituzte, “datu ekonomikoak ahal den neurrian emanez”. Eta proposamenen analisia lantzen hasiko dira, “batik bat eraginkortasun mailari begira”.
-
Saioan, maiatzaren 29an, analisiarekin segitu eta proposamen guztietatik “eraginkorrena den sistema aukeratu. “Ondorioak atera eta ahal den eta adostasun handiena lortuko duen sistema aukeratu”.
Elkarteak, alderdi politikoak, ikastetxeak…
Kontseiluan parte hartuko dutenen behin-behineko zerrenda eginda dauka Udalak, arloz arlo antolatuta. Esaterako, hezkuntzan Arizmendi Ikastola, Arrasate Eskola eta Mondragon Unibertsitatea gonbidatu dituzte. Elkarteen artean, berriz, Ekologistak Martxan, Emakume Txokoa, Gaztetxea, Abaroa eta Al-Andalus, batzuk aipatzearren. Merkataritza-Industrian, Ibai Artek, Eroskik, BMk, Fagorrek, Ospitaleak… jaso dute gonbitea. Auzo alkate eta hiri-alkate guztiak ere gonbidatuta daude, baita alderdi politiko zein sindikatuak ere eta zela ez, Zero Zabor taldea eta atez atekoaren aurkako plataformak.