Elite burgesaren partaide zen Biteriren familia; eta Arrasaten jaio bazen ere, atzerrian egin zituen Pedro de Viterik urte gehienak. 60 urterekin jaioterrira etorri zenean garaiko Arrasateko pobreziaz harrituta alkateaz berba eginda, eskolak eraikitzeko proposamena egin zion Viterik. Denontzako hezkuntza bermatu gura izan zuen eta kalitatezko hezkuntza emna nahi izan zien horretarako baliabiderik ez zuten familia behartsuetako kideei, bereziki besteardura batzurengatik eskola uztera behartuta zeuden neskatilei.
Baina hezkuntza izan bazen Arrasateko filantropoaren ikur, Biteriri zor dizkiogu, besteak beste, Arrasateko burdinezko berdura plaza eta herriko beste hainbat txoko. Liburuaren egileen esanetan, Biteriren dirua eta lana, Gipuzkoako beste herri batzuetara ere heldu zen: Aretxabaleta, Pasaia, Errenteria edo Donostia, besteak beste. Heri horietan ere eskolak eraiki zituen.
Anabel Ugalde eta Arantza Otaduiren solasaldi osoa hemen entzungai
Donostian aurkeztu dute liburua goizean eta iluntzeko 19:00etan aurkeztuko dute gaur, martitzena, Kulturaten. Donostiarako bidea hartu aurretik, Arrasate Irratian izan dira, liburuaren egiletako bi: Anabel Ugalde eta Arantza Otadui; segidan duzue elkarrizketa osoa entzuteko aukera.
