Gainerako ekitaldiak, kultur arlokoak dira, eta Zaraia aretoan egingo dituzte. Martxoaren 18an, 20:00etan, Nortasun agiria bakarrizketa egingo du Zuhaitz Gurrutxagak; haren hirugarrena da eta bizipenetan oinarrituta dago hau ere. Hilaren 19an, 17:00etan, Mamuak ezagutzera joan zen umea haurrentzako antzerkia izango da. Martxoaren 20an, Maria Osesek eta Idoia Asurmendik musika emanaldia egingo dute, 19:00etan; eta martxoaren 21ean, 19:00etan, Tongola umorezko bakarrizketa izango da Ainhoa Etxebarriaren eta Ugaitz Alegriaren eskutik. Martxoaren 22an, 19:00etan, Kaka helduentzako antzerkia iritsiko da Zaraia aretora; azkenik, martxoaren 26an, 19:00etan, Laburbira film laburren proiekzioa egingo dute.
Kultura eta euskara eskutik, Korrika Kulturala martxan da Aretxabaletan
2026ko martxoaren 12a
24. Korrikaren harira, Aretxabaletako Korrika Kulturalaren programa kultura ekitaldiz beteta dator, AEK-k, Aretxabaletako Udalak eta Aretxabaletako Korrika batzordeak elkarlanean antolatuta. Domekarako, martxoaren 15erako, esaterako Murura joateko deia egin dute. Han, 12:00etan, elkartuko dira Arrastekoekin eta Aramaiokoekin eta talde argazkia aterako dute Korrikari babesa erakusteko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak