Elkarretaratzeaz gain, hilabete osoan zenbait ekintza antolatu ditu Udalak, eta azaroaren 26an, Arkupe kultura etxeko bigarren solairuan, 18:00etan, azken ekintza izango da. Hain zuzen ere, Autodefensa feminista: más alla de aprender a decir no liburua aurkeztuko du genero-indarkerian aditu eta autodefentsa feministaren prestakuntzan aitzindari Maitena Monroy bilbotarrak, gazteleraz.
Urtero bezala, Aretxabaletako Mugimendu Feministak deituta, elkarretaratzea egingo dute Emakumeen Aurkako Indarkeriaren Kontrako Nazioarteko Egunean, Azaroaren 25ean, 17:30ean, eta Udalak bat egingo du horrekin. "Jendea deialdira gerturatzeko dei egiten dugu, eta guk ere deialdi honekin bat egingo dugu", azaldu du Ainhoa Sanchezek, Aretxabaletako Udaleko Berdintasun zinegotziak