Fito-ri azken agurra esatera eta haren senideei babesa ematera joan gura izan zuten lagun eta herritar askok, atzo, uztailak 19, eta bete egin zen tanatorioaren aurrealdea. Herrigintzan egindako lana –Aratusteetan, esaterako– eta kirolari egindako ekarpena eskertu gura izan zioten, bereziki UDAn urte askoan isilean egindako lana. Eta horretarako ekitaldi xume baina gertukoa antolatu zuten.
Dantzari bik agurra dantzatu zioten Mari Karmen eta Xeli Etxeandia ahizpek abestu bitartean; eta ondoren, Txoria txori xuxurlatu zuten elkartutako guztiek. Bukaera eman zioten txistulariek jotako Aretxabaleta kirol elkartearen ereserkiarekin.
Uztailaren 17an hil zen Javier Etxeberria Uribesalgo Fito, ezustean, 63 urte zituela.
