Andramaixetan erraldoi ertainak estreinatuko dituzte, eta horiek dantzan jartzeko gaztetxoak behar dituzte. Horretarako, uztailean ate irekiak izango dira, interesa dutenek proba egiteko aukera izan dezaten.
Parte hartzeko, Lehen Hezkuntzako bosgarren mailatik gorakoa izatea eskatu dute konpartsako kideek, eta izena emateko aebeelkartea@gmail.com helbidera idatzi beharko da.
Aretxabaletako konpartsak maiatzean hasi zuen ibilbidea Demetrio eta Rita erraldoiekin. Eta Andramari jaietan familia osatzera beste bi kide etorriko dira. Txino dantzan oinarritutako bi pertsonaia direla iragarri dute, tamaina ertainekoak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.