Iazko udazkenean argitaratu zuen Siroren zilborra liburua Laura Perez Martinez de Lahidalga (Aretxabaleta, 1980) irakasleak. Mimo handiarekin idatzi zuen eta ilustrazioak ere berak egin zituen. Liburuaren formatuari eta ilustraziori begiratuta, 4 urtetik aurrerakoendako izan daitekeela dio, nahiz eta "istorioa edonorendako" den: "Hala ere, gutxienekoa da ipuina; horri esker umeari eskaintzen diogun unea da garrantzitsua".