Jose Ramon Quintanilla zuzendariaren esanetara bost kantu abestu zituzten, besteak beste, Xalbadorren heriotzean, Errota Zaharra eta Elurra mara-mara.
"Oso egun atsegina izan zen; beste talde batzuekin abesteaz gain, harremanak estutzeko aprobetxatu genuen", adierazi dute. Eguna borobildu zuten afari-merienda eginda. "Primerako giroa izan genuen, hortaz, oroitzeko eguna izan da. Eta hurrengo irteerarako gogoz gaude".
Egun berean Arrasateko Abaroakoak, Hernaniko Goiz Eguzki elkartekoak eta Eibarko Untzagakoak izan ziren oholtzan. Oraingo egubakoitzean, ostera, Bergarako San Joxepekoak joango dira beste batzuekin batera.