Gaur, hilak 8, lau talde elkartuko dira: Goiz Eguzki (Hernani), Untzaga (Eibar), Abaroa (Arrasate) eta Basotxo (Aretxabaleta).
Bost abesti abestuko ditu bakoitzak, eta aretxabaletarrek jakinarazi dute honako hauek hautatu dituztela: Xalbadorren heriotzean (Xabier Lete), Azken txanpa (Urko), Lagunak (Juan Eduardo eta Ramon Teran), Errota Zaharra (Juan Mari Lekuona) eta Elurra mara-mara. Jose Ramon Quintanilla zuzendariaren esanetara jardungo dute.
"Sustatu beharrekoak"
Gipuzkoako hamabi taldek hartuko dute parte guztira topaketan. San Joxepeko kideek adierazi dute musikarekin lotutako jarduerak "oso komenigarriak" direla eta "sustatu beharrekoak".
