Odola emateko dei egin du Odol Emaileen Elkarteak udazkeneko kanpainaren baitan, eta iragarri hurrengo hiru eguenetan Arabako Odol Bankuko autobusa etorriko dela, urriaren 3an, 10ean eta 17an; ohikoa den legez, Durana kalean –plaza barrenean– izango da, 16:45etik 20:00etara, eta herritarrak animatu dituzte bertaratzera.
Odola ematearen garrantzia azpimarratu dute beste behin; izan ere, egunero, gutxienez 400 odol-emate behar dira Arabako Odol Emaileen Elkartetik adierazi dutenez.
Odola eman dezakete 18 eta 70 urte bitartekoek, 50 kilo baino gehiago pisatuz gero eta osasuntsu egonda. Odol emate batetik bestera gutxienez bi hilabete pasatu behar dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
