Gero eta arrakasta handiagoa duen sanmigeletako kantu-afarirako izena emateko epea gaur, irailak 19, zabalduko dute; Arkupen jasoko dituzte, 18:00etan hasita. Ohi legez kuadrillaka eman beharko da eta euro bat ordaindu kide bakoitzeko.
500 lagunendako lekua egongo da hasiera baten, eguraldi txarra eginez gero Iturrigorri pilotalekuan egingo delako. Eguraldi ona izanez gero Herriko Plazan prestatuko dute afarirako lekua, eta beste 100 lagunen izenak jasoko dituzte irailaren 26an, 18:o0etan hasita.
Urtero legez, Sei Pistols & Trabuko Bat taldea izango dute lagun abeslariek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.