Irailaren 7an, zapatuan, jokatuko da, 10:00etan abiatuta, III. Ikazkin Trail mendi lasterketa. Aurten, lehenengoz, bi ibilbide izango ditu aukeran: luzea, 23,2 km eta 1.300 metroko aldaparekin, eta laburra, 14,8 km eta 920 metroko aldaparekin. Batean zein bestean izena emateko epea –rockthesport.com atarian– domekan, irailaren 1ean bukatuko da.
Kurtzebarri alderako igoera bide beretik egingo dute lasterkari guztiek, eta gero han, bide ezberdinak hartuko dituzte. Luzea hautatzen dutenek iazko antzeko ibilbidea egingo dute baina bi kilometro gehiagorekin. Motza egiten dutenek, ostera, 15 kilometro eskas egingo dituzte.
Antolatzaileek herritarrak animatu gura dituzte lasterketan bertan parte hartzera zein lasterkariak animatzera.
Izena emateko epea zabalik izango da irailaren 1a arte rockthesport.com atarian. Guztira, 300 lagunendako lekua egongo da.
