Abuztuaren 15ean jokatu zen gazteen bola-joko txapelketa eta hilaren 16an, berriz, nagusiena. Antolatzaileek adierazi dute "giro ederra" eta "jende asko" egon zela bolatokian, giro "ederra" sortuz: "Txosna han egoteak sortu zuen giro hori eta parte-hartzaile asko nahiz ikusle asko egon ziren". Era berean, eskertuta agertu dira txosnaguneak andramaixetan bolatokia errespetatu duelako.
Helduen txapelketan 67 lagunek hartu zuten parte eta honela geratu zen sailkapena.
- Jesus Mari Gorosabel - 7 txirlo
- Jon Antia - 4 txirlo
- Luken Martinho - 4 txirlo
- Sebas Aranzabal - 3 txirlo
- Jabier Osoro - 3 txirlo
Gazteen txapelketako emaitzak
Gazteen txapelketa infantil eta gazte mailatan banatu zuten. Infantiletan 19 lagunek hartu zuten parte eta hiruk gazte mailan.
Infantil mailako sailkapena
- Mikel Garcia - 4 txirlo
- Beñat Urteaga - 2 txirlo
- Pello Jauregi - 2 txirlo
Gazteen mailako sailkapena
- Ganix Otzau - 2 txirlo
- Siro Etxebarria - 2 txirlo
- Alain Etxebarria - 2 txirlo
