Frantziako Poliziak atzo atxilotu zuen Zuhaitz Errasti preso ohi aretxabaletarra eta gau polizia etxean pasatu ondoren aske dela eman dute jakitera hainbat komunikabidek.
Aiherran bizi den Errasti atzo eguerdian atxilotu zuten mugan, eta iluntzean hainbat lagun elkartu ziren Angeluko Jendarmeriaren aurrealdean egindako elkarretaratzean. Atxiloketaren arrazoia zein izan den ez dute argitu.
Aretxabaletan ere elkarretaratzea deituta dago gaurko, 19:00etan, Pagaldaixenean.
Aretxabaletarra 2009an atxilotu zuten Frantzian, eta 2012an zortzi urteko kondena ezarri zioten ETAren aparatu logistiko eta militarraren parte izateagatik. 2017ko urriaren 27an utzi zuten aske.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
