Egun euritsua izan da azaroko azken eguna. Euskalmeten estazioetako datuen arabera Urkulun 47,1 litro metro koadroko jaso ziren 24 orduan; eta euri gehien goizaldeko 4:30ean egin zuen, ordubetean 2 l/m2.
Oñatin, ostera, 43,5 l/m2 jaso ziren 24 orduan; Arrasaten, 35,8 l/m2; eta gutxien, San Prudentzion, 33,8 l/m2.
Alerta egoerara
Egindako euriaren eraginez urtegia hornitzen duten hiru errekak ur askorekin datoz; Eskoriatzako Bolibar auzotik datorrena, Urbaltz iturbegia eta Arbeko erreka. Azken bi horiek dira bereziki garrantzitsuak eta irudietan ikus daitekeenez ur asko sartzen zen atzo.
Ur emarien gorakadek Urkuluren betetze mailaren igoera ekarri dute. Hala, azken egunotan, larrialdi egoeratik alerta egoerara pasatu da Gipuzkoako Ur Kontsortzioak argitaratutako irudiak adierazten duen legez.
Azaroaren 17an Prezipitazioaren eta tenperaturari buruz argitaratutako lana hemen; gaien artean dago Urkuluren gainean egindako lanketa berezia.