Kalean da jada Txerrikumeak talde aretxabaletarren bigarren lana. Disko honen grabaketaren ardura Asel Errastirena izan da, eta Gaztain Estudioko Eñaut Gaztañagak lagundu die nahasketa eta masterizazio lanetan. Orain dela lau egun, Ez da Ezer diskoaren aurrerapen kanta kaleratu zuten. Disko berri honek guztira zortzi abesti ditu. Spotify eta Youtuben jarri dituzte kantuak entzungai, eta disko fisikoak kontzertuetan jarriko dituzte salgai, eta Aretxabaletako Urbaltz tabernan.
Diskoaren bira
Talde aretxabaletarrak bost kontzertu eskainiko ditu ekainean disko berria aurkezteko. Egun hauetan joko dute:
- Ekainaren 3an, Arrasateko Gaztetxean. Jasan eta Perlata taldeekin batera.
- Ekainaren 17an, Ozaetako jaietan.
- Ekainaren 22an, Oñatiko gaztetxean.
- Ekainaren 23an, Aretxabaletako Urbaltz tabernan.
- Ekainaren 29an, Eskoriatzako San Pedro jaietan.
