Arizmendi ikastolako Almeneko ikasleek aldarrikapena egin dute Durana kalean zehar, Aretxabaletako plazara arte. "Trantsizio energetiko kolektiboa" aldarrikatu dute ikasleek, "gure burua kontzientziatuz aldaketa klimatikoa motelduz" lelopean.
Herriko plazan, aurkezpena egin ostean, dantzan aritu dira ikasleak, eta ondoren, taldetan banaturik, umeendako jolasak prestatu dituzte. Larrialdi klimatikoaren kontzientzia hartzeko prestaturiko jolasak izan dira, tartean, bingo berezia.